യുക്രെയ്‌ന് യുദ്ധ ടാങ്കറുകൾ നൽകുമെന്ന് സ്ഥിരീകരിച്ച് അമേരിക്ക

റഷ്യൻ അധിനിവേശത്തിനെതിരെ യുക്രൈനെ സഹായിക്കുന്നതിനായി യുക്രൈന് യുദ്ധടാങ്കറുകൾ നൽകുമെന്ന് സ്ഥിരീകരിച്ച് അമേരിക്ക. 31 എം1 എബ്രാംസ് ടാങ്കറുകളാണ് അമേരിക്ക യുക്രൈന് കൈമാറുക. പ്രസിഡന്റ് ജോ ബൈഡൻ ബുധനാഴ്ചയാണ് ഇക്കാര്യം അറിയിച്ചത്. 14 ലെപ്പാർഡ് 2എ6 ടാങ്കുകൾ അയക്കാൻ ജർമ്മനി സമ്മതിച്ചതിന് പിന്നാലെയാണ് അമേരിക്കയുടെ തീരുമാനം. 

യുക്രെയ്ൻ സൈന്യം തങ്ങളുടെ അധീനതയിലുള്ള പ്രദേശം സംരക്ഷിക്കാൻ പ്രവർത്തിക്കുന്നുണ്ടെന്നും കൂടുതൽ തിരിച്ചടികൾക്ക് തയ്യാറെടുക്കുകയാണെന്നും ബൈഡൻ പറഞ്ഞു. യുദ്ധഭൂമിയിൽ ഈ ടാങ്കുകൾ ഫലപ്രദമായി പരിപാലിക്കുന്നതിനായി ആവശ്യമായ എല്ലാ ഉപകരണങ്ങളും യുക്രെയ്‌ന് നൽകുമെന്നും ബൈഡൻ വ്യക്തമാക്കി. 

കഴിഞ്ഞ ഒരു വർഷമായി തുടരുന്ന റഷ്യ-യുക്രെയ്ൻ യുദ്ധം കൂടുതൽ അപകടകരമായ വഴിത്തിരിവിൽ എത്തിയേക്കും. റഷ്യയുടെ എതിർപ്പ് അവഗണിച്ച് ജർമ്മനിക്കൊപ്പം അമേരിക്കയും തങ്ങളുടെ ആധുനിക ടാങ്കുകൾ യുക്രെയ്നിന് നൽകാൻ സമ്മതിച്ചിരിക്കുകയാണ് യഥാർത്ഥത്തിൽ, യുക്രെയ്ൻ അതിന്റെ ഏറ്റവും പുതിയ ലെപ്പാർഡ് -2 ടാങ്കുകൾ ജർമ്മനിയിൽ നിന്ന് വളരെക്കാലമായി ആവശ്യപ്പെടുകയായിരുന്നു. 

വാസ്തവത്തിൽ, യുക്രെയ്ൻ അത്യാധുനിക ടാങ്കുകൾ ലഭിക്കാൻ വളരെക്കാലമായി ആഗ്രഹിക്കുന്നു, അതുവഴി റഷ്യൻ സൈന്യത്തെ നേരിടാനും അതിന്റെ പ്രദേശങ്ങൾ തിരിച്ചുപിടിക്കാനും കഴിയും. മെയ്ഡ് ഇൻ ജർമ്മനി ലെപ്പാർഡ്-2 ടാങ്കിനൊപ്പം അമേരിക്കയുടെ അബ്രാംസ് എം-1 ടാങ്കും ഏറ്റവും നൂതനമായ ടാങ്കായി കണക്കാക്കപ്പെടുന്നു.